Koranparlemen.com
Cerite Negeri Batanghari Sembilan
( Episode pertama )
Lime hari lime malam Mang Zaiben Udem Pemilu Dide makan nasi putih apelagi ngecap gulai seluang, lantai milu caleg duet di kucek celanenye tekarai gi besise tujoh puloh ribu saje.
Dek bedie jeme ke nulong Mang Zaiben leluntok rusak rusakan die burong intermie gureng ye rege tige lime ribu di warong umak kosasi bujang tue, gigi kuneng, rambot Mak lamper gegumbal keriteng gile….ndok ai.
Dami kosasi la lame agak gile uleh di tinggal pujaannye Siti nurbaya belaki ke ulu duson dapat bujang alap anak toke jeheng, dami Mang Zaiben empai nak gile sembilan rupe lantai tekarai abes bangkrot udem cicak hibat milu Caleg.
Seminggu udem pemilu Mang Zaiben mulai prustasi Dide tekeruan agok, saban hari nak seratos kali gawinye utak atek bikin status nyalurke Ucol binggungnye…kadang marah, kadang berutok, kadang tetawe…
Mimpi Mang Zaiben naek Ferrari tinggallah mimpi saje..Mak ini makan saje Gi sekali sehari…itu pule Gi ngunyah rambotan utan punye jeme Batak tengah pelaluan bakal Kecik nuju ke humanye.
La banyak kance kance busek nginaknye ke humah karne tekabar Mang Zaiben lepas landas lulok ke gile, mencak mencak, miseng lagi Dide tehase lagi.
Dami anaknye Dodo Didi Dudu cuma pacak nguraikah ayek mate.
Dami Ipeh Ngah Saripah anaknye ye betine besimbon bada umak keciknye malu nginak bapangnye gile sembilan rupe.
Untong saje bini Mang Zaiben sabar seribu kali sabar…ngurosinye.
Dami pak Kades la ngajong Hansep duson Tanjong Bulan nyiapkah rantai ke masung Mang Zaiben…kalu saje bahanyekah masyarakat duson.
Peramalan peramalan agame, mulai di bacekah tukang ru’ yah lokal.
Dami Dukon duson la belahi minggat melarikan duet jampi jampi menang dari Mang Zaiben.
Mak ini keluarge Mang Zaiben abes tekarai timpe daceng bahi lantak nimbang Cempedak di pinggir tebeng, buleh embainye saje…daceng mireng cempedak teguleng masuk tebeng.
( Bersambung )..
Penulis : Syerin
