Koranparlemen.com | Cerita Humor Negeri Ya Saman – Sengap sengep cek Noer berotok panjang, jualannyo dak belakuan di pasar romadon, lantak pasar romadon di pindah ke sampeng masjid besak Idak lagi di terminal lamo, Mak ini ari pasar Romadon sepi senyep sunyi pecak kuburan, Mano kuburan Cino, apek, Cece sipit Pulo.
Puaso Romadon ini cek Noer ngulang berutang ke lintah darat alias koperasi keleleng nambahi modal bedagang sayor masak di pasar romadhon tadi.
Sambal Gondang, sayor nangko, bacem tembe, pindang paten, pindang nila ado Galo…yang dak katek pindang kodok.
Udem makan sahor cek Noer OTW naek ojek langganan belanjo ke pasar pagi, beli paten, ayam, tempe, tahu, cabe, tomat, Telok ayam, Telok bebek, Telok puyoh, Telok serendet, Telok Abang, Telok kuning pokoknyo segalo Telok di belinyo Galo.
Bunyi kabarnyo segalo Telok selontok la di subsidi oleh pemerintah tempat cek Noer tinggal.
Idak tanggong tanggong untuk jatah sejagat Rayo kota Negeri Ya Saman la di siapke sepekol setengah Telok di supsidi, diskon, potongan Hargo, alias program cari Rai….cacam.
Lantak Telok subsidi nyeloteh molot Mang Murod tukang becak pengger toko cak yon sekitaran Bos ayam tenda biru ” madaki Pulo rakyatnyo banyak, telok di supsidi cuma sepekol setengah, siru Pulo PNS duluan melantaknyo,…bukannyo kesian jinggoki wong miskin, ini betino betino be emas besak besak yang ngerengi bupati kepasar sebok dulu melehi Telok supsidi…..siru dewek katek malu, mugolah Telok laki kau di embek pelakor ” kesal Mang Murod.
Laen pasar Laen Pulo kantor ketahanan pangan Negeri Ya Saman, entah La berapo Miliyar ngucaki anggaran subsidi untuk gudang jualan mereka depan kantor mereka tula.
Bukan Bae telok yang di bongkosi sekilo sekilo, temasok daging sapi, gedum, gulo Paser jugo.
Yang buat sesek dado dengernye, bukan wong saro yang belanjo kesano, melaenke Pe EN eS Samo sanak dolor mereka tula, ongtong Bae dak bos catering yang melok belanjo kesano.
” Totop Bae pak Bupati gudang antu ketahanan pangan, banyaki duso, manjangi tali kelambu ” uji Mang daud wartawan tigo serangkai.
Cak itulah cerita telok menelok nak maraki lebaran ini, Idak di pasar Idak di kantor ketahanan pangan la banyak wong gilo baru, Pe En ES gilo telok selontok, padahal Telok lakinyo ado….men la jemal jingok Warno Telok laki kamu item teros, payo ke toko bangunan beli ke cat semprot 7 Rupo, Senen sampe Sabtu tiap Ari kamu semproti…mulai Warno kuning genteng sampe Warno mengkilau kilau…..ha ha.
( Demikian kelakar Telok harini, jangan Pulo nak muda tesenggong bulan puasoni, kapan caer jangan pecak pecak buyan, lupo ngenjok THR …prikitiw )
Penulis: Syerin
